Swarte smekyd smeþes, smateryd wyth smoke, Dryue me to deth wyth den of here dyntes. Swech noys on - пост # 223394

 

Сообщение от: 2016-10-05 17:33:26

Swarte smekyd smeþes, smateryd wyth smoke, Dryue me to deth wyth den of here dyntes. Swech noys on nyghtes ne herd men neuer. What knauene cry and clateryng of knockes! Þe cammede kongons cryen after "col, col!" And blowen here bellewys, þat al here brayn brestes. "Huf, puf!" seyth þat on; "haf, paf!" þat oþer. Þei spytten and spraulyn and spellyn many spelles. Þei gnauen and gnacchen, þei gronys togydere And holdyn hem hote wyth here hard hamers. Of a bole hyde ben here barm-fellys. Here schankes ben schakeled for the fere-flunderys. Heuy hamerys thei han, þat hard ben handled. Stark strokes þei stryken on a stelyd stokke. Lus, bus! las, das! rowtyn be rowe. Swech dolful a dreme þe deuyl it todryue! Þe mayster longith a lityl, and lascheth a lesse, Twyneth hem tweyn, and towchith a treble. Tik, tak! hic, hac! tiket, taket! tyk, tak! Lus, bus! lus, das! Swych lyf þei ledyn, Alle cloþemerys, Cryst hem gyue sorwe! May no man for brenwaterys on nyght han hys rest! (оригинальный текст)